KHUTBAH JUM’AT BAHASA JAWA : METHUK IDUL FITRI

KHUTBAH JUM’AT BAHASA JAWA :

METHUK IDUL FITRI

Dening : ANIS PURWANTO

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَسْتَهْدِيْهِ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَهُوَ الْمُهْتَدُ وَمَنْ يُضْلِلْ فَلَنْ تَجِدَ لَهُ وَلِيًا مُرْشِدًا. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لاَ نَبِيَّ بَعْدَهُ. اَللَّهُمَّ صَلِّ وَسَلِّمْ وَبَارِكْ عَلَي حَبِيْبِنَا وَشَفِيْعِنَا وَمَوْلَنَا مُحَمَّدٍ وَعَلَى آلِهِ وَأصَحابهِ اْلأَخْيَارِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.

قَالَ تَعَالَي عَزَّ مِنْ قَائِلٍ: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ. أَمَّا بَعْدُ.

Ma’asyiral Muslimin jamaah jum’ah rokhimakumullah.

Langkung rumiyin, sumangga kita sami nyaosaken puja puji syukur ing ngarsa dalem Allah SWT, ingkang sampun paring nikmat, rahmat sarta hidayah dhumateng kita sedaya. Sahingga kanthi ijin Allah SWT, kita saget nindakaken ibadah dhumateng Allah SWT. Kita nyuwun dhumaateng Allah SWT mugi-mugi ibadah kita ing siyang punika saget katampi dening Allah SWT, amin ya rabbal ‘alamin.

            Shalawat saha salam mugia katur dhumateng Gusti Rasul, Nabi Agung Muhammad SAW, ingkang sampun mbimbing dhumateng sedaya kaum muslimin, tumuju margi ingkang utami. Mugi-mugi kita sedaya pikantuk syafaatipun mbenjang wanten ing yaumul kiyamah, bekja fiddun ya wal akhirah, amin ya rabbal ‘alamin.

Ma’asyiral Muslimin jamaah jum’ah rokhimakumullah.

            Dinten Jum’at samangke punika kaleres tanggal 8 Juni 2018 utawi tanggal 23 Ramadhan 1439 H, ingkang ateges Jum’at ngajeng insya Allah kita sampun  mlebet ing tanggal 1 Syawal. Pramila symangga kita pethuk dhatengipun dinten agung Idul Fitri punika kanthi kebak raos syukur dhumateng Allah SWT. Lan mugi ndadosna ing kawuningan, bilih pamethukipun Hariyadin ‘Idul fitri punika babar pisan mboten sarana dhedhaharan lan unjukan ingkang miraos, lan ugi mboten sarana agem-ageman ingkang sarwi enggal lan gumebyar.

           

            Para sedherek, mila ingkang perlu kita pikiraken kangge mahargya utawi methuk dhatengipun ‘Idul Fitri punika mangke mboten sanes kajawi punapa ingkang pancen perlu kita amalaken wanten  salebeting dinten “Idul fitri punika manut syariatipun Agama Islam.  Wonten ing bab punika adedasar dhawuh pangandikanipun Allah wanten ing Kitab Suci Al-qur’anul Karim, surat Al-Baqarah ayat 185 :

وَلِتُڪۡمِلُواْ ٱلۡعِدَّةَ وَلِتُڪَبِّرُواْ ٱللَّهَ عَلَىٰ مَا هَدَٮٰكُمۡ وَلَعَلَّڪُمۡ تَشۡكُرُونَ

“Lan sira kabeh padha nyampurnakne wilangane sasi ramadhan. Lan yen wus sampurnakne anggonira pasa sesasi ramadhan, sira padha ngagungna asmane Pangeranira manut aturan-aturan kang wus dituduhake marang sira, lan sira kabeh padha syukur marang Pengeranira”.

            Makaten dhawuh pangandikanipun Allah SWT,ingkang wajib kita gatosaken lan kita estokaken. Wondene wujud saking syukur ingkang kita hubungaken kaliyan ‘Idul fitri inggih punika kanthi cara ngamalaken syariatipun agami Islam ingkang katetepaken wanten ing dinten ‘Id punika. Kadosta, mbayaraken zakat fitrah ingkang kabagi-bagi dhumateng para fakir miskin, lan nindakaken shalat ‘Idul Fitri ing wanci enjangipun tanggal 1 Syawal wanten ing masjid/musholla utawi ing lapangan-lapangan.

            Wondene pengalamanipun shalat ‘Id punika piyambak, makaten ugi kegiatan ugi kegiatan ngumandhangaken ucapan takbir, tahlil lan tahmid, ingkang badhe kita tindakaken mbenjang malem tanggal 1 syawal, saksampunipun angslupipun surya. Sedaya punika minangka  panjilmaning raos syukur kita dhumateng Allah SWT.

Ma’asyiral Muslimin jamaah jum’ah rokhimakumullah.

            Raos syukur punika taksih saged kita wujudaken malih sarana sami gegancangan nyuwun pangapunten dhumateng Allah SWT lan ugi paring pangapura ingapura dhumaten sesamening sedherek Mukmin-Muslim.

            Woanten ing Al-qur’an surat Al-hadid ayat 21 Allah ngendika makaten :

سَابِقُوٓاْ إِلَىٰ مَغۡفِرَةٍ۬ مِّن رَّبِّكُمۡ وَجَنَّةٍ عَرۡضُہَا كَعَرۡضِ ٱلسَّمَآءِ وَٱلۡأَرۡضِ أُعِدَّتۡ لِلَّذِينَ ءَامَنُواْ بِٱللَّهِ وَرُسُلِهِۦ‌ۚ ذَٲلِكَ فَضۡلُ ٱللَّهِ يُؤۡتِيهِ مَن يَشَآءُ‌ۚ وَٱللَّهُ ذُو ٱلۡفَضۡلِ ٱلۡعَظِيمِ

“Sira kabeh padha dhisik-dhisikana nyuwun pangapura marang Pengeranira, lan nyuwun dilebokake ana sajrone suwarga kan jembare padha karo jembare langit lan bumi, kang dicawisake kanggo wong-wong kang iman marang allah lan iman marang utusane Allah. Kang mangkono iku kanugrahane Allah kang diparingake marang wong-wong kan dikersakake. Allah iku mula kagungan kanugrahan kang agung”.

Ma’asyiral Muslimin jamaah jum’ah rokhimakumullah.

            Minangk penyuwunan pungkasan ingkang saged kita aturaken wanten ing dinten Jum’at pungkasan ing wulan Ramadhan punika, mangga sedaya amalan sae ingkang sampun saged kita biasaken wanten ing salebetipun wulan Ramadhan, kita terusaken lan kita lestantunaken saksampunipun kita nilaraken wulan Ramadhan.

            Wusana seumangga kita tansah nyuwun hidayah lan taufiqipun dhumateng Allah SWT. Mugi-mugi sedaya amal ibadah kita katampi dening Allah SWT, mugia kita manggih kawilujengan wiwit ing ndonya dumugi ing akhirat. Amin ya rabbal ‘alamin.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.

KHUTBAH JUM’AT BAHASA JAWA : NUZULUL QUR’AN

KHUTBAH JUM’AT BAHASA JAWA :

NUZULUL QUR’AN

Oleh : ANIS PURWANTO

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَسْتَهْدِيْهِ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَهُوَ الْمُهْتَدُ وَمَنْ يُضْلِلْ فَلَنْ تَجِدَ لَهُ وَلِيًا مُرْشِدًا. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لاَ نَبِيَّ بَعْدَهُ. اَللَّهُمَّ صَلِّ وَسَلِّمْ وَبَارِكْ عَلَي حَبِيْبِنَا وَشَفِيْعِنَا وَمَوْلَنَا مُحَمَّدٍ وَعَلَى آلِهِ وَأصَحابهِ اْلأَخْيَارِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.

قَالَ تَعَالَي عَزَّ مِنْ قَائِلٍ: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ. أَمَّا بَعْدُ.

Ma’asyiral Muslimin jamaah jum’ah rokhimakumullah.

Langkung rumiyin, sumangga kita sami nyaosaken puja puji syukur ing ngarsa dalem Allah SWT, ingkang sampun paring nikmat, rahmat sarta hidayah dhumateng kita sedaya. Sahingga kanthi ijin Allah SWT, kita saget nindakaken ibadah dhumateng Allah SWT. Kita nyuwun dhumaateng Allah SWT mugi-mugi ibadah kita ing siyang punika saget katampi dening Allah SWT, amin ya rabbal ‘alamin.

            Shalawat saha salam mugia katur dhumateng Gusti Rasul, Nabi Agung Muhammad SAW, ingkang sampun mbimbing dhumateng sedaya kaum muslimin, tumuju margi ingkang utami. Mugi-mugi kita sedaya pikantuk syafaatipun mbenjang wanten ing yaumul kiyamah, bekja fiddun ya wal akhirah, amin ya rabbal ‘alamin.

Ma’asyiral Muslimin jamaah jum’ah rokhimakumullah.

Dinten Jum’at sapunika kaleres tanggal 16 Ramadhan, ingkang ateges mangke dalu kita sampun wonten ing tanggal 17 Ramadhan. Lan tanggal 17 Ramadhan punika mujudaken sa’at penting ingkang mengku sejarah penting tmraping kita umat Islam, jalaran wanten ing saat kados samangke punika, dumados satunggaling peristiwa agung, inggih punika tumurunipun wahyu kasipan ingkang katelah Nuzulul Qur’an.

Wondene wahyu ingkang dipun turunaken nalika semanten, kasebat wanten ing al-qur’an Surat Al-“Alaq ayat 1 dumugi 5 :

ٱقۡرَأۡ بِٱسۡمِ رَبِّكَ ٱلَّذِى خَلَقَ (١) خَلَقَ ٱلۡإِنسَـٰنَ مِنۡ عَلَقٍ (٢) ٱقۡرَأۡ وَرَبُّكَ ٱلۡأَكۡرَمُ (٣) ٱلَّذِى عَلَّمَ بِٱلۡقَلَمِ (٤) عَلَّمَ ٱلۡإِنسَـٰنَ مَا لَمۡ يَعۡلَمۡ (٥)

“Sira mocoa kanthi asmane Pangeranira kang nyipta. Panjenengane nyipta manungsa saka sepotong getih. Sira mocoa, lan Pangeranira iku Kang Maha Pemurah, Kang mulang kanthi lelantaran kolam. Mulangake manungsa apa-apa kang dheweke ora ngerti”.

Para sederek, wonten salebetipun mengeti Nuzulul Qur’an, ingkang kapisan wajib kita tindakaken inggih punika syukur dhumateng Allah SWT, amargi kita dipun takdiraken minangka kawulaning Allah ingkang dipun paringi kesempatan lan kemampuan mengeti tumurunipun Al-Qur’an, ingkang mujudaken pedoman gesang tumraping kita umat islam.

Wusana ingkang kaping kalih, kita kedah saget mendhet hikmah utawi piwucal. Hikmah punika ingkang saged kita pendhet saking pengetan Nuzulul Qur’an. Kanthi syarat kita kedah mangertos misi lan fungsinipun Al-qur’an, saha punapa maksud lan tujuan pokok bilih Allah SWT nurunaken Al-qur’an. Lan wusananipun punapa ingkang wajib kita tindakaken kaliyan Al-Qur’an.

Ma’asyiral Muslimin jamaah jum’ah rokhimakumullah.

Ngengingi missi, fungsi lan tujuan sarta maksudipun Allah SWT nurunaken  Al-Qur’an punika saged kita aturaken kanthi lumantar ayat pangandikanipun Allah SWT, ingkang kahemat ing Al-Qur’an :

شَہۡرُ رَمَضَانَ ٱلَّذِىٓ أُنزِلَ فِيهِ ٱلۡقُرۡءَانُ هُدً۬ى لِّلنَّاسِ وَبَيِّنَـٰتٍ۬ مِّنَ ٱلۡهُدَىٰ وَٱلۡفُرۡقَانِ‌ۚ

 “Sasi Ramadhan yaiku sasi kang ing jerone diturunake kawitane wahyu Al-Qur’an, minangka pituduh tumrape manungsa, lan penjelasan-penjelasan ngenani pituduh iku lan pembeda antarane barang haq karo kang bathil”. (QS. Al-Baqara; 185)

إِنَّ هَـٰذَا ٱلۡقُرۡءَانَ يَہۡدِى لِلَّتِى هِىَ أَقۡوَمُ وَيُبَشِّرُ ٱلۡمُؤۡمِنِينَ ٱلَّذِينَ يَعۡمَلُونَ ٱلصَّـٰلِحَـٰتِ أَنَّ لَهُمۡ أَجۡرً۬ا كَبِيرً۬ا

 “Satemene Al-Qur’an iki aweh pituduh marang dalan kang luwih lurus lan aweh kabar gembira marang wong-wong mukmin kang nindakake amal saleh, yen marang dheweke bakal diparingake ganjaran kang agung”. (QS. Al-Isra’ : 9).

            Para sederek, saksampunipun kita mangertos punapa fungsi lan missinipun Al-Qur’an, saha punapa tujuan lan maksudipun Allah nurunaken Al-Qur’an. Selajengipun kita kedah saged ngginakaken Al-qur’an kanthi estu minangka pedomaning gesang. Punapa kemawon ingkang kita tindakaken ing salebetipun gesang ing donya punika mangga kita ngginakaken Al-Qur’an minangka pedoman. Lan babar pisan sampun ngantos kita nilar Al-Qur’an, sebab tiyang engkang nilar Al-qur’an punika badhe ngalami kapitunan.

            Kasebat ing Al-Qur’an surat Thaha ayat 124 :

وَمَنۡ أَعۡرَضَ عَن ذِڪۡرِى فَإِنَّ لَهُ ۥ مَعِيشَةً۬ ضَنكً۬ا وَنَحۡشُرُهُ ۥ يَوۡمَ ٱلۡقِيَـٰمَةِ أَعۡمَىٰ

 “Lan sing sapa wongw mengo saka pepilinging-Sun yaiku Al-Qur’an, satemene tumrap dheweke urip kang rupek, lan Ingsun bakal ngumpulake dheweke besuk ana ing dina kiyamat ana sajrone kaanan wuta”.

            Para sederek, makaten punika Al-Qur’an. Mila sepisan malih mangga kita cecepengan kenceng dhateng al-Qur’an. Tegesipun sumangga Al-Qur’an punika kita dadosaken minangka pedomaning gesang kita, lan babar pisan sampun ngantos kita nilar utawi mengo saking al-Qur’a.

            Kita nyuwun dhumateng Allah SWT, mugi kita dipun paring kekiyatan sahingga saget ngamalaken al-Qur’an kangge anggayuh kawilujengan ing donya dalh ing akhirat.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.

KHUTBAH JUM’AT BAHASA JAWA : WULAN SYA’BAN

KHUTBAH JUM’AT BAHASA JAWA :

WULAN SYA’BAN

Oleh : ANIS PURWANTO

إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ وَنَسْتَهْدِيْهِ وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَهُوَ الْمُهْتَدُ وَمَنْ يُضْلِلْ فَلَنْ تَجِدَ لَهُ وَلِيًا مُرْشِدًا. أَشْهَدُ أَنْ لاَ إِلَهَ إِلاَّ اللهُ وَحْدَهُ لاَ شَرِيْكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُوْلُهُ لاَ نَبِيَّ بَعْدَهُ. اَللَّهُمَّ صَلِّ وَسَلِّمْ وَبَارِكْ عَلَي حَبِيْبِنَا وَشَفِيْعِنَا وَمَوْلَنَا مُحَمَّدٍ وَعَلَى آلِهِ وَأصَحابهِ اْلأَخْيَارِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ.

قَالَ تَعَالَي عَزَّ مِنْ قَائِلٍ: يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ. أَمَّا بَعْدُ.

Ma’asyiral Muslimin jamaah jum’ah rokhimakumullah.

Langkung rumiyin, sumangga kita sami nyaosaken puja puji syukur ing ngarsa dalem Allah SWT, ingkang sampun paring nikmat, rahmat sarta hidayah dhumateng kita sedaya. Sahingga kanthi ijin Allah SWT, kita saget nindakaken ibadah dhumateng Allah SWT. Kita nyuwun dhumaateng Allah SWT mugi-mugi ibadah kita ing siyang punika saget katampi dening Allah SWT, amin ya rabbal ‘alamin.

            Shalawat saha salam mugia katur dhumateng Gusti Rasul, Nabi Agung Muhammad SAW, ingkang sampun mbimbing dhumateng sedaya kaum muslimin, tumuju margi ingkang utami. Mugi-mugi kita sedaya pikantuk syafaatipun mbenjang wanten ing yaumul kiyamah, bekja fiddun ya wal akhirah, amin ya rabbal ‘alamin.

Ma’asyiral Muslimin jamaah jum’ah rokhimakumullah.

            Wanten ing dinten Jum’at punika kita sampun wanten ing wulan sya’ban, ingkang ateges sekedap malih kita sampun lumebet ing wulan Ramadhan.   Pramila saking punika atur khutbah ing siang punika kita hubungaken kaliyan keterangan ingkang magepokan kaliyan wulan sya’ban, awit kita asring nglirwakaken wantenipun wulan sya’ban. Kamongko wulan sya’ban minangka gapuronipun kangge mapag dhatengipun wulan Ramadhan.

            Wanten ing wekdal-wekdal makaten punika , rumiyin, para sahabat Rasulullah SAW, sami suka ing manah, awit badhe karawuhan tamu agung inggih punika wulan Ramadhan. Pramila para sahabat lajeng sami nyiapaken jiwa lan raga kangge mangayu bagya rawuhipun wulan Ramadha, wul;ang ingkang kebak rahmar, maghfirah, lan karcis ingkang badhe mbebasaken saking siksa latu neraka.

            Dhawuh pangandikan Allah ing Surat Al Imran ayat 133, nyebadaken :

وَسَارِعُوٓاْ إِلَىٰ مَغۡفِرَةٍ۬ مِّن رَّبِّڪُمۡ وَجَنَّةٍ عَرۡضُهَا ٱلسَّمَـٰوَٲتُ وَٱلۡأَرۡضُ أُعِدَّتۡ لِلۡمُتَّقِينَ

“Lan padha gegancangana sira kabeh maarang (Nggayuh) pangapura saka Pangeranira lan (marang) Suwarga kan jembare sajembare sakabehing langit lan bumi, kang wus dicawisake kanggo wong-wong kang padha taqwa”.

Ma’asyiral Muslimin jamaah jum’ah rokhimakumullah.

            Wanten ing wulan sya’ban makaten punika Rasulullah SAW piyambak asring ngathah-ngathahaken  anggenipun nindakaken siyam sunnat sya’ban :

. فَمَا رَأَيْتُ رَسُولَ اللَّهِ – صلى الله عليه وسلم – اسْتَكْمَلَ صِيَامَ شَهْرٍ إِلاَّ رَمَضَانَ ، وَمَا رَأَيْتُهُ أَكْثَرَ صِيَامًا مِنْهُ فِى شَعْبَانَ

“Aku babar pisan ora tau weruh Rasulullah SAW nyampurnakake siyame sesasi muput kejaba ing sasi Ramadhan. Lan aku (uga ora tau weruh panjenengane nindakake siyam kang paling akeh (saliyane) ing sasi sya’ban”.

            Siyam wulan sya’ban dipun tindakaken dening rasulullah SAW, kangge ngurmati rawuhipun wulan Ramadhan lan ugi kangge njangkepi siyam-siyam sunat ingkang sampun biasa dipun tindakaken. Sahengga kanthi makaten, kita minangka umatipun, mestinipun sami purun nyonto lan neladhani panjenenganipun wanten ing babagan punika. Rasulullah punika pranyata mboten nate lena saking perkawis-perkawis ingkang alit-alit, punapa malih perkawis ingkang ageng, engkang mila kedah dipun estokaken.

Rasulullah SAW ngendika :

قَالَ ذَلِكَ شَهْرٌ يَغْفُلُ النَّاسُ عَنْهُ بَيْنَ رَجَبٍ وَرَمَضَانَ وَهُوَ شَهْرٌ تُرْفَعُ فِيهِ الْأَعْمَالُ إلى رب العالمين فأحب أن يرفع عملي وَأَنَا صَائِمٌ

“Sasi Sya’ban kuwi sasi kang dilerwakake (lan dilalekake) dening para manungsa, (yaiku) sasi ing antarane sasi Rejeb lan Ramadhan. Sasi Sya’ban yaiku sasi kang ing sajrone sasi iki amal-amal di angkat munggah marang Pangeran Kang Ndarbeni sakabehing jagad, mangka ingsun kepingin amalingsun iku diangkat munggah (marang Allah) nalika ingsung llagi pasa”. HR. Imam Ab dawud lan Imam Nasa-i).

Ma’asyiral Muslimin jamaah jum’ah rokhimakumullah.

            Saking sedaya piwucal agung Rasulullah SAW punika kita lajeng saged mendhet kesimpulan, bilih wonten ing wekdal-wekdal kados samangke punika, mestinipun kita  sami estu-estu nyiapaken jiwa lan raga kangge methuk wulan Ramadhan , kanthi nindakaken siyam wulan sya’ban.

            Akhiripun, kita nyuwun dhumaten Allah SWT, mugi-mugi Gusti Allah kersa paring rahmat, hidayah, pitulungan, saha kekiyatan dhumateng kita sedaya, sahingga wulan ramadha ingkang badhe rawuh mujudaken Ramadhan ingkang langkung sae lan langkung berkah. Amin.

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ. أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ وَلِسَائِرِ الْمُسْلِمِيْنَ مِنْ كُلِّ ذَنْبٍ. فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.